Home
| Databases
| WorldLII
| Search
| Feedback
New Zealand Family Justice Reforms |
Last Updated: 25 May 2020
He Whakarāpopototanga
Ngā tikanga ārahi
I te Hereturikōkā 2018, i pānuitia e te Minita o te Ture, e Hōnore Andrew Little ka whakatūhia tētahi rōpū whiriwhiri motuhake hei arotake i ngā whakahoutanga 2014 ki te pūnaha ture whānau.
I tonoa mātau te rōpū whiriwhiri ki te wānanga:
Hei whakautu i ēnei pātai, i whiriwhirihia e mātau te āhei atu, te whakakaupapa, te ngāwari me te tika o te utu o te pūnaha, tae atu ki te whānuitanga o te kaupapa tamariki, ā-taunakitanga hoki.
I herea kia hui tahi mātou ko te hunga huhua e whai pānga ki te ratonga ture whānau, tae atu ki ngā kaimahi. I tono te Minita o te Ture kia kōrero mātau ki ngā tamariki me ngā taiohi, te Māori me ngā iwi o Te Moananui-a-Kiwa, ki te hunga hauā, tae atu ki ngā tāngata mātauranga, ngā whakahaere hapori, ngā rōpū whai pānga, te umanga ture me te rōpū whakawā.
I arotahi ngā tikanga ārahi ki ngā huringa o te tau 2014 e pā ana ki ngā ratonga whakarite i ngā tautohe e pā ana ki te tiaki tamariki, tae atu ki te Kōti Whānau, te ratonga FDR, ngā akoranga tiaki tamariki me te tumu kōrero a te Te Tiaki Tamariki i te Wā o te Wehenga (PTS).
Kāore i roa ka mārama i aua hui, kāore e taea te pānga o ngā whakahoutanga 2014 te whiriwhiri motuhake mai i ētahi atu wāhanga o te ture whānau, pērā i te whakarekereke whānau, te manaaki me te whakamaru, me ngā rawa whanaungatanga. Ehara tā mātau mahi i te arotake ā-mātāpono tuatahi i te Kōti Whānau, i ngā ratonga ture whānau whānui, rānei. Engari, kua whiriwhirihia e mātau me te tuku tūtohutanga mō ngā take katoa e whai pānga tika tonu ki te mahi whaitake o ngā ratonga ture whānau e whakarite ana i te manaaki tamaiti, te pāhekoheko, me te tiakitanga.
Ngā whakahoutanga 2014
Ko te tikanga o ngā whakahoutanga 2014 he whakaneke i te arotahinga, mai i ngā tukanga o roto i te kōti, ki ngā tukanga o waho i te kōti. Ko te whāinga ko tētahi pūnaha ture whānau hou tuwhera he:
Tukanga
E rua ngā huringa hui me te iwi whānui i oti ai. I whakaputaina he tuhinga matapakinga i ia huringa me ngā utauta tuihono mō ngā tāpaetanga muna, ā, me ngā hui kanohi ki te kanohi.
I te mea tuatahi, i waenga i te Mahuru me te Whiringa-ā-rangi 2018, i rongo mātau i ngā wheako o te hunga i whakamahi, i mahi hoki i roto i ngā ratonga ture whānau. I te mea tuarua, i te Huitanguru me te Poutūterangi 2019, i whakamātautauria ō mātau whakaaro mō ngā hurihanga.
I tū ngā hui mai i te raki ki te tonga.
I tautokona mātau e tētahi rōpū tohutohu mātanga ngaio 11 mai i te rāngai whānui.
I whakahautia e mātau he pūrongo mai i tētahi kamupene rangahau motuhake, UMR, ki te kōrero ki ngā tamariki, ki ngā mātua o ngā whānau Māori, ō Te Moananui-a-Kiwa hoki, ki ngā mātua hauā. E wātea tūmatanuitia ana te pūrongo UMR kei te paetukutuku a Te Tāhū o te Ture.
I tukuna mai e Te Manawa Rangahau Tamariki o Te Whare Wānanga o Ōtākou ā rātau kitenga tuatahi mai i te rangahau matua e whakahaerehia ana e rātau i tēnei wā. I arotakehia anōtia e mātau ētahi atu rangahau ā-motu, ā-ao hoki, tae atu ki ngā arotakenga tōmua i ngā āhuatanga o ngā whakahoutanga 2014 a Te Tāhu o te Ture.
Te Korowai Ture-ā Whānau
Ko tā mātau tūtohutanga matua he whakatū mai i tētahi ratonga ture whānau tūhonohono, ko Te Korowai Ture ā-Whānau, e whakahiato ana i ngā wāhanga taratahi, motumotu hoki o ngā ratonga ture whānau i roto kōti, i waho kōti, hoki. E tuku ana Te Korowai i ngā āhuatanga rerekē e āhei atu ai ngā tāngata ki te ratonga ture whānau tika i te wā tika mō rātau.
E tohu ana Te Korowai i te mana o te ratonga ture whānau; he mea whakaū kia manaakitia, kia whakautehia hoki te hunga e kimi atu i tāna whakamaru, i tāna tautoko, i tōna kaha.
Ko te iho o te Te Korowai Ture ā-Whānau ko te tamaiti me te whānau, i te wā tika, he kaupapa haumaru, e rata ai ki te tangata. Ka aro ki te kanorautanga; ka mārama ki te mamae o te whakarekereke whānau; ka paparōnaki te whakahaere, kāore e moumou pūtea.
Te pūrongo
Whai muri i te kōrero whakataki, e wehea ana te pūrongo ki ngā wāhanga e whā. E kōrero ana te Wāhanga Tuatahi mō ngā take kei roto i ngā ratonga ture whānau katoa. Ko tā te Wāhanga Tuarua he whakatenatena i te whakaaetanga tōmua, ā, e arotahi ana te Wāhanga Tuatoru ki te whakakaha i ngā tukanga Whānau Kōti. Kei roto i te Wāhanga Tuawhā ko ngā tūtohutanga mō te aroturuki me te whanaketanga.
Ngā kupu
E whakamahia ana e ngā tikanga ārahi te kupu "pūnaha". Otirā, i roto i tēnei pūrongo, e whakamahia ana te kōrero "Kōti Whānau me ngā ratonga whai pānga" me "ngā ratonga ture whānau". Ko "te ratonga ture whānau" he kupu mō Te Korowai Ture ā-Whānau.
I uaua te rapu i ngā kupu tika mō te maha o ngā tāngata, kanorau hoki, e whai tino wāhi ana ki te ao o ā tātau tamariki.
Kia ōrite ai te kōrero i roto i tēnei pūrongo kei te whakamahia e mātau te kōrero "ngā mātua me ngā whānau". Ehara i te mea kei te aukatia te hunga he rerekē te wāhanga ki a rātau, arā, ko ngā kaitiaki, kaitaurima, kuia, koroua, whānau me ngā hoa.
E rārangi ana ēnei wāhanga e whā i ngā mea e hiahiatia ana hei whakamana i Te Korowai Ture ā-Whānau hei whakamaru, hei tautoko, hei whakamana i ngā tamariki me ō rātau whānau, ahakoa tō rātau tuku ihotanga me ngā āhuatanga o te wā. He kōrero mō ngā mea e hiahiatia ana mō ngā tamariki me ō rātau whānau kia taea ai te whakarongo ki a rātau, kia rongohia, ā, kia manaakitia, kia whakautehia.
Te pūtake mō te whakarerekē
Kei ia wāhanga o te pūrongo he whakarāpopoto i ā mātau akoranga, i ngā tino kitenga, i te pūtake mō te whakarerekē me ā mātau tūtohutanga. I roto i tēnei whakarāpopototanga ka whakatakotohia e mātau te pūtake mō te whakarerekē i roto i ia wāhanga me te tuku i ngā tūtohutanga hāngai.
Ngā raruraru pūnaha whānui
Ko ngā ratonga ture whānau me te hunga e pāhekoheko ai ki aua ratonga he tauira iti o te hapori whānui o Aotearoa. Kei roto i ngā ratonga ko ngā tamariki me ngā taiohi, ngā mātua me ngā whānau e mamae ana i te ahotea, i te raruraru, i te taupatupatu. Mō te tokomaha, ko ngā tauārai ki te whai i te ture he whakaata i ngā tauārai e pā mai ana ki a rātau puta noa i te rāngai ture, ā, me kī ki te iwi whānui tonu o Aotearoa.
He tino motika te whai wāhi o ngā tamariki ki ngā whakatau mō rātau anō i raro i te Kawenata a Te Kotahitanga o Ngā Whenua o te Ao mō Ngā Motika o te Tamaiti (Kawenata), ā, kāore anō kia kitea te kiko o taua motika i konei.
Hokihoki tonu ai ki te tono i roto i ngā pūrongo maha mō te rāngai ture me ētahi atu kia whakamanahia te ao Māori i roto i te ture, i ngā kaupapahere, i ngā tikanga ture mai i rā anō i ngā tau o te 1980, nō mua rā hoki.
Me aro ka tika ki te kanorautanga o te hapori, ki te hunga hauā hoki, koia rā te kaupapa i ngā paerewa tika tangata ā-ao kua paihere nei a Aotearoa.
Kāore tonu i te mōhio whānuitia ngā āhuatanga katoa o te whakarekereke whānau me ōna pānga ki ngā tamariki, tae atu ki tō rātau haumaru.
Kua tino ū te takawaretanga, ā, he wāhanga tōna ki te nuinga o ētahi atu raruraru i roto i ngā ratonga ture whānau.
I te waihangatanga o ngā ture whānau, ngā kaupapahere me ngā tikanga kāore i tautuhia tōmuatia ngā paerewa tika tangata hāngai me te whakauru tōmua hoki te tukanga whanaketanga. Kāore hoki e kitea te whai whakaaro ki te Pire Tika Tangata o Aotearoa 1990 me te Ture Tika Tangata 1993.
Ngā tūtohutanga
Panonihia te Care of Children Act 2004 me te Family Dispute Resolution Act 2013 kia uru ai te whai wāhi o ngā tamariki hei mātāpono aratohu, he mea whakatauira mai i te wāhanga 5(1)(a) hou o te Ture Oranga Tamariki 1989. Me mātua kōrero ngā whakaritenga ki te Kawenata a Te Kotahitanga o Ngā Whenua o te Ao mō Ngā Motika o te Tamaiti. |
Panonihia te Care of Children Act 2004 kia herea ngā mātua me ngā kaitiaki ki te hui tahi me ngā tamariki mō ngā take hira e pā ana ki a rātau anō, me te whai whakaaro ki te pakeke ā-tau, pakeke ā-whakaaro hoki o te tamaiti. |
Whakahautia Te Tāhū o Te Ture, i te taha o ngā pūkenga hāngai me te hunga whai pānga hira, kia whakarārangitia mai ngā tauira tōtika o te whai wāhitanga o te tamaiti, tae atu ki te Whakatau Raruraru ā-Whānau hei kaupapa matua. Me uru ki te whakarārangitanga:
|
Panonihia te Care of Children Act 2004 kia paihere mai te Tiriti o Waitangi. |
Kia rawaka atu ai te tohu i ngā kaiwhakawā Māori ki te Kōti Whānau, ka tono i te Kaiwhakawā Matua o te Kōti ā-Rohe ki te:
|
Whakahautia Te Tāhū o te Ture, ki te mahi i te taha o ngā iwi, o ētahi atu Māori, o te Kōti me ngā ngaio hāngai hoki, ki te whakawhanake, ki te tuku pūtea, ki te whakatinana i tētahi pou tarāwaho rautaki, hei whakapai ake i ngā ratonga ture whānau mā te Māori. Me uru ki taua pou tarāwaho rautaki me te mahere mahi ka whai ake ko te:
|
Whakahautia Te Tāhū o te Ture ki te waihanga:
|
Tonoa a Oranga Tamariki ki te whakahāngai i te rahinga o ngā pūtea e wātea ana ki ngā kuia, koroua me te whānau whānui i raro i te Care of Children Act 2004 ki te pūtea e wātea ana i raro i te Oranga Tamariki Act 1989, i ngā wā e tautokona ai e Oranga Tamariki ngā tamariki e tiakina ana e aua kuia, koroua me te whānau. |
Whakahautia Te Tāhū o te Ture, ki te mahi ki te taha o te rāngai hauā, o te rōpū whakawā me ētahi hunga whāi pānga, ki te waihanga i tētahi rautaki hauā hei whakapai ake i te huarahi a te hunga hauā e whakamahi ana i Te Korowai Ture ā-Whānau ki te ture.
|
Whakahautia Te Tāhū o te Ture ki te mahi ki te taha o te New Zealand Law Society, o te rāngai hauā hoki, ki te hanga i te aratohu tikanga pai rawa mā te rōia o te kiritaki hauā, mā te rōia mō te tamaiti hauā. Me ahu mai ngā aratohu tikanga pai rawa i ngā rangahau me te taunakitanga mō ngā mea e whaitake ai ki ngā kiritaki hauā.
Panonihia Ngā Ture Kōti Whānau 2002 ki te āta whakahua i ngā tuhinga Care of Children Act kia whakaurua ngā mōhiohio mō ngā hiahia haumaru o ngā pārurenga-mōrehu ina haere ana ki te kōti. |
Whakahautia Te Tāhū o te Ture, ki te mahi i te taha o te hunga whai pānga hira, waihanga ai i tētahi utauta aromatawai mōrea hei whakamahinga mā ngā tamariki, ngā pārurenga-mōrehu me ngā nanakia whakarekereke. |
WhakahautiaTe Tāhū o te Ture ki te mahi ki te taha o ngā kaiwhakawā me ngā rōpū ngaio ture whānau kia tika ai te whakangungu, mā reira e marama ai ki te whakarekereke whānau. |
Kia Panonihia te Family Violence Act 2018 (koinei te ingoa mai i te 1 o Hōngongoi 2019) kia taea e ngā tamariki kei raro i ngā whakawātanga o te Care of Children Act te uru atu ki ngā kaupapa haumaru e wātea ana i raro i te Ture. |
Te whakatenatena i te whakaaetanga
tōmua
E tino mārama ana te taunakitanga mō te painga o te tamaiti me te taiohi. me āta whakarite i te manaakitanga o te tamaiti, i ētahi atu whakatau mōna i runga i te wairua aiō, nō reira me karo i te haere ki te kōti me tōna wairua tukituki.
I ngā whakahoutanga 2014 ka kaha ake te wehenga i waenganui i ngā ratonga, i ngā ngaio rō kōti, me ngā ratonga, ngaio waho kōti . I whakakorehia ngā tumu kōrero a te Kōti Whānau; i whakatūhia he ratonga hou, te Whakatau Amuamu ā-Whānau (FDR), ā, i whakamanahia i mua i te tuku tono pānui ki te Kōti Whānau; i whakawhānuitia, i whakamanahia hoki te Tiaki Tamariki i te Wā o te Wehenga (PTS); ā, i whakawhāitihia te āhei atu ki ngā tohutohu ture me te whai rōia.
Ahakoa aua whakahoutanga ki te ture, kāore i whakahaerehia he whakatairanga tūmatanui hei whakamōhio i ngā whānau me te iwi whānui mō aua huringa.
Mēnā ko te hiahia he whakatenatena, he tautoko i ngā mātua me ngā whānau ki te whakatau i ngā whakaritenga mō ā rātau tamariki i runga i te wairua aiō, me te utu iti nao, me āhei ngā mātua me whai ngā whānau i ngā ratonga tika i te wā tika, mā te āhua tika.
He mea hira tonu te whai i ngā mōhiohio kounga, e wātea ana ki te tokomaha, kia tukuna i roto i ngā reo me te ahurea o ngā hapori maha.
Me wātea ngā pou hauora hinengaro ki ngā mātua ki ētahi atu whānau rānei kia taea ai te aro ki ngā painga rawa o ā rātau tamariki.
E hiahiatia ana ngā ratonga e whakaata ana, e urupare ana ki te kanorau o ngā mātua me ngā whānau o Aotearoa.
Me utu katoa i te tumu kōrero, i ngā kaupapa PTS, i ngā ratonga FDR, engari he mea kore utu mā te kaiwhakamahi kia tōmua ai te whakaaetanga.
E hiahiatia ana te urunga ōrite ki te ture, nō reira me whiwhi i ngā mātua me ngā whānau he tohutohu ture i te tīmatanga o te wehenga, ā, me whai wāhi te hunga māraurau ki tētahi pūtea hei utu i te rōia i mua i te rā whakawānga.
He iti noa ngā raraunga hei whakaatu mēnā i taea e ngā whānau atu anō ō rātau raruraru te whakatau i waho o te kōti mai i te tau 2014, mēnā rānei i taea te oranga o ngā tamariki te whakaū.
Ngā tūtohutanga
Te whakakaha i te Kōti Whānau
Ko te koronga o ngā huringa ki ngā tukanga me ngā hātepe i roto i te Kōti Whānau i te tau 2014, he whakapaparōnaki i ngā whakawātanga, he whakaiti i ngā takaroa,he kōkiri whakamua i ngā kēhi.
I roto i ngā huringa ko:
Ko tā te Kōti Whānau he whai mana nui, mana matatini, otirā mō te taha e pā ana ki te tiaki tamariki, ehara i te whakatau mō mua mō nāianei anake engari mō muri ake nei hoki.
He maha ngā māharahara me ngā mamae mō te mahi a te Kōti Whānau i puta mai ai i ngā tāpaetanga; nā aua māharahara i whakatūria ai he rōpū hapori e whakahē ai i ngā whakatau a te Kōti Whānau i mua i te iwi whānui.
He iti noa ngā raraunga hei whakaatu mēnā kua heke ngā tono ki te Kōti Whānau, kua tere ake rānei te whakataunga o aua tono hei hua o ngā huringa o 2014. Heoi, e mārama ana ngā raraunga, mō te pikitanga tino nui o ngā tono kore pānui mai i te tau 2014: mai i te 30% ki te 70% o ngā tono katoa.
He take tino nui ngā takaroa mō te whakararu i te pono ki te Kōti, nā reira e kino ake ai ngā taupatupatu i waenga i te matua me te whānau. E ai ki te ture, kāore i te tika te whakaritenga wātaka a Te Kōti Whānau. He pānga nui ō ngā mahi tari a ngā kaiwhakawā ki te wāteatanga o te kaiwhakawā.
Kua piki hoki te rahinga o ngā kaitaunaki-whaiaro, ā, e nui ake ai te wā ki te kōti. He iti noa ngā mōhiohio whaikiko hei āwhina i te kaitaunaki-whaiaro kia mārama ai ia ki te tukanga, ka mutu ko ngā mea kei reira ināianei he uaua ki te kimi, ā, he rerekē i tēnā rohe, i tēnā rohe.
I te maha o te wā kei te uru ngā whānau ki te Kōti Whānau mō ngā take maha. He maha pea ngā tono ki te Kōti, tae atu ki te tiaki tamariki me te kaitiakitanga, te whakarekereke whānau, te manaaki me te whakamaru, ngā rawa ā-whanaungatanga, ngā tautoko hoa, tautoko tamaiti hoki. E wherawherahia ana ēnei tono e ngā kaiwhakawā rerekē, ā, i te nuinga o te wā kāore ngā kōrero katoa o te kēhi e tae atu ki a ia.
Mā te whakarite kia kotahi anake te kaiwhakawā hei whakahaere i tētahi kēhi ka whakaū i te ōritetanga, ko te tikanga ka pai ake te whakatau.
Waihoki, i whakatakotohia te whakaaro mā te whai i te kaiwhakawā kotahi hei whakahaere i te Kōti Whānau, ngā take taihara hoki e pā ana ki tētahi whānau, ko te tikanga ka hua ake ko ngā putanga pai ake mō te tamaiti.
Ngā tūtohutanga
Panonihia te Family Court Act 1980 kia tū ai tētahi tūranga Kairuruku Ture Whānau (me ngā tautoko ā-tari tōtika) ko āna mahi he:
|
Panonihia te Family Court Act 1980 ki te whakatū i te tūnga Kairēhita Matua o te Kōti Whānau me ngā wāhanga kei raro i taua mana. |
Whakahautia Te Tāhū o te Ture ki te hanga i tetahi mahere mārama, ki te whakarite i te whakangungu tōtika mō taua mahere kia taea ai e ngā kairēhita katoa te whakatutuki i ā rātou mahi. |
Whakahautia Te Tāhū o te Ture, i te taha o te Kaiwhakawā Matua o te Kōti Whānau, ki te whakarite wawe tonu i ngā mahi hei tautuhi, hei whakawhiti hoki i ngā wāhanga tōtika o te kawenga whakawā ki ngā kairēhita kōti kia rahi ake ai te wā kaiwhakawā.
|
Panonihia te Care of Children Act 2004 mā te whakakore i te wāhanga 7A, kia āhei ai te tāngata ki te whai rōia i ngā wāhanga katoa o ngā whakahaerenga. |
Panonihia te Legal Services Act 2011 mā te whakakore i te wāhanga 7(3A) me te tuku i ngā āwhina ture mō ngā tono Care of Children Act 2004. |
|
Panonihia te Family Court Act 1980 kia:
|
Tonoa te New Zealand Law Society ki te whakakaha i te whanaketanga
ngaio, i ngā whakaritenga whakahaerenga mō te rōia mō
te
tamaiti, hoki.
|
Tonoa te Kaiwhakawā Matua o te Kōti Whānau ki te whakatika i 'Ngā Kōrero Tikanga o Te kōti Whānau – Rōia mō te Tamaiti: Te Tīpako, Tohu me Ētahi Atu Take' hei:
Whakahautia Te Tāhū o te Ture ki te arotake
i ngā utu mā ngā rōia mō te tamaiti.
|
Whakahautia Te Rōpū Mātai Hinengaro o Aotearoa, me te Pae Tū Pae Ora ki te whakapai ake i te rapu me te pupuri i ngā kaituhi pūrongo mātanga, otirā no ngā hapori kanorau. Me uru ki tēnei ko tētahi ara i whakaaetia kia āhei ai ngā kaimātai hinengaro ki te whai haere i ngā kaimahi. |
Mō te taha ki te tukutanga o ngā tuhinga a ngā kaituhi pūrongo hinengaro kia uiuitia:
|
Panonihia te wāhanga 46G o te Care of Children Act 2004 kia:
|
Pānuitia ngā whakaritenga hei whakataupoki kia10 ngā wā mō te pou hauora hinengaro wāhanga 46G. |
Whakahautia Te Tāhū o te Ture kia wawe te whakahaere i ngā hui i te taha o te Kōti Whānau, o ngā pou, o ngā rōpū ngaio, o ngā pūkenga whanaketanga tamariki, o ngā ratonga toko i te ora, o ngā tamariki / taiohi ki te whakarite:
|
Tonoa te Kaiwhakawā Matua o te Kōti ā-Rohe, te Kaiwhakawā Matua o te Kōti Whānau me Te Tāhū o te Ture ki te whanake i tētahi ara kōmitimiti ki te whakahaere, ki te whakaraupapa i te wātaka. Mā reira e taea ai te whakarite te kaiwhakawa kotahi mō ngā take Kōti Whānau katoa, mō ngā take taihara o te whānau hoki. |
|
Whakahautia te Tāhū o te Ture ki te:
|
Panonihia te Family Court Rules 2002 kia:
|
Te aroturuki me te whanaketanga
He āhua ōrite te pānga o ngā whakatau whakahaerenga, ki te pānga o ngā whakahoutanga ture 2014. Nā te iti rawa o te pūtea i roto i te tekau tau i pēnei rawa ai te takaroa. Nā ngā pēhitanga pūtea ka puta ko ngā whakatau e hāpai kē ana i ngā hiahia o te pūnaha, kaua ki te urupare ki ngā hiahia o ngā tamariki, ngā mātua me ngā whānau. I whānui te whakahē i ngā puka o te Care of Children Act.
Me whai i tētahi ara hou kia whai tikanga Te Korowai ā-Ture Whānau ki te ao Māori, kia hāngai atu ki te kanorau mātāwaka, ki te iwi whānui hoki o Aotearoa.
Ngā tūtohutanga
Ngā whakaaro whakamutunga
Ko tā Te Korowai Ture ā-Whanau he:
Me noho Te Korowai Ture ā-Whanau hei tauira mō te rāngai ture whānui, ko te kaupapa ko ngā tamariki, te āhua o te whakamana i te ao Māori, te āhua o te pāhekoheko ki te kanorautanga, te aronga ki ngā take hauā, me te aronga ki ngā take whakarekereke whānau.
Mēnā ka whakatinanahia te katoa, ka whakaitia e ngā tūtohutanga i roto i tēnei pūrongo ngā takaroa whakakino e pā noa ana i roto i ngā ratonga onāianei, ka tautokona te Kōti Whānau ki te whakatutuki i ana herenga ā-ture, ā, ko te mea nui rawa ka whai whakatau i roto i tētahi wā tika.
He mea nui rawa te aroturuki me te whanaketanga kia whaitake ai ngā mahi a Te Korowai Ture ā-Whanau. He mea taketake mō te waihanga i tētahi ratonga ture whānau mahi tahi, whai oranga; ā, kia kaua e pā mai ngā mutunga me ngā putanga kore hiahiatia.
E hiahiatia ana ngā pikitanga iti o ngā pūtea hei whakatinana i ngā tūtohutanga i roto i tēnei pūrongo. Ko te aweretanga kotahi ko te utu o te whakahou anō i ngā hangarau.
Mō te whakawhiti mai i tētahi pūnaha ture whānau wāhanga taratahi ki Te Korowai Ture ā-Whanau me whai i ngā kaiārahi pūmau i te taumata tōrangapū, i roto i te rōpū whakawā, i te umanga ture, i ētahi atu ratonga ture whānau, i Te Tāhū o te Ture hoki.
E āhukahuka ana mātau he āhua whānui tonu te whakaae tahi mō ngā tūtohutanga i roto i tēnei pūrongo. Ko taua whakaae tahi te tino kaupapa hei whakaū i ngā huringa e tino hiahiatia ana i tēnei wā tonu, mā reira e whakahokia ai te manawa whakahī me te angitū ki ngā ratonga ture whānau, ki ngā ratonga e manaaki ai, e whakaute ai te tamaiti, ka whakarongohia, ka tautokona hoki kia taea ngā whakatau pai mō rātau anō.
NZLII:
Copyright Policy
|
Disclaimers
|
Privacy Policy
|
Feedback
URL: http://www.nzlii.org/nz/other/lawreform/NZFamJustRef/2019/8.html