New Zealand Family Justice Reforms

Panonihia te Care of Children Act 2004 me te Family Dispute Resolution Act 2013 kia uru ai te whai wāhi o ngā tamariki hei mātāpono aratohu, he mea whakatauira mai i te wāhanga 5(1)(a) hou o te Ture Oranga Tamariki 1989. Me mātua kōrero ngā whakaritenga ki te Kawenata a Te Kotahitanga o Ngā Whenua o te Ao mō Ngā Motika o te Tamaiti.

Panonihia te Care of Children Act 2004 kia herea ngā mātua me ngā kaitiaki ki te hui tahi me ngā tamariki mō ngā take hira e pā ana ki a rātau anō, me te whai whakaaro ki te pakeke ā-tau, pakeke ā-whakaaro hoki o te tamaiti.

Whakahautia Te Tāhū o Te Ture, i te taha o ngā pūkenga hāngai me te hunga whai pānga hira, kia whakarārangitia mai ngā tauira tōtika o te whai wāhitanga o te tamaiti, tae atu ki te Whakatau Raruraru ā-Whānau hei kaupapa matua. Me uru ki te whakarārangitanga:

1. te whai whakaaro ki ngā mātāpono hira mō te whai wāhitanga o ngā tamariki, ā, me te here i ngā ngaio ki te hāpai i te whai wāhitanga o ngā tamariki
2. me pēhea te aro ki ngā whakaaro o ngā tamariki i ngā āhuatanga o te whakarekereke whānau

100. te waihanga i tētahi kete tikanga pai rawa i hangaia i te taha o ngā tamariki me ngā taiohi.

Panonihia te Care of Children Act 2004 kia paihere mai te Tiriti o Waitangi.

Kia rawaka atu ai te tohu i ngā kaiwhakawā Māori ki te Kōti Whānau, ka tono i te Kaiwhakawā Matua o te Kōti ā-Rohe ki te:

1. tohua ētahi kaiwhakawā Kōti Whenua Māori ki te noho i te Kōti Whānau
2. herea ngā kaiwhakawā Kōti Whānau hou katoa ki te noho ki roto i te Kōti Whenua Māori mō te wiki kotahi tirotiro ai i ngā whakawātanga

100. herea ngā kaiwhakawā Kōti Whānau katoa ki te uru ki tētahi kaupapa tikanga Māori e whakahaerehia ana e Te Kura Kaiwhakawā.

Whakahautia Te Tāhū o te Ture, ki te mahi i te taha o ngā iwi, o ētahi atu Māori, o te Kōti me ngā ngaio hāngai hoki, ki te whakawhanake, ki te tuku pūtea, ki te whakatinana i tētahi pou tarāwaho rautaki, hei whakapai ake i ngā ratonga ture whānau mā te Māori. Me uru ki taua pou tarāwaho rautaki me te mahere mahi ka whai ake ko te:

1. tohu i ngā kaitohutohu mātanga hei āwhina i te Kōti Whānau mō ngā tikanga Māori
2. tautoko i ngā ratonga kaupapa Māori me ngā ara ā-whānau

100. waihanga i tētahi kaupapa whakamātau e ū ana ki ngā tikanga Māori mā te Kōti

4. tuku i tētahi reo Mana kia āhei ai te Kōti Whānau ki te whakamahi i te mōhiotanga e hāngai ana ki te mana whenua, ki te hapori Māori whānui
5. āta whakauru i te tikanga kia tohua he rōia Māori mō te tamaiti Māori
6. āta whakaaro me pēhea e tautuhi ai, e tautoko ai Ngā Rēhita Kōti Whānau i ngā hononga i waenganui i te mana whenua me te Kōti.
7. Me tika te rahi o te pūtea hei tautoko i ngā tukanga FDR e hāngai ana ki te ahurea.

Panonihia te Care of Children Act 2004 kia:

1. whakaheke i te taumata mō te whiwhi pūrongo ahurea
2. whakamana i te rōia mō te tamaiti ki te tono kia rongo kōrero te kōti mai i tētahi tangata i karangahia i raro i te wāhanga 136

100. whakamana i te kaiwhakawā, i raro i tāna ake mōtini, ki te karanga i tētahi tangata i raro i te wāhanga 136

Whakahautia Te Tāhū o te Ture ki te waihanga:

1. i te taha o Te Manatū mō ngā Iwi o Te Moananui-a-Kiwa, o Te Tari Matawaka me etahi atu whakahaere hapori hāngai, ngaio hoki, i tētahi rautaki kanorau mō Te Korowai Ture ā-Whānau, ā ko tōna whāinga ko te whakapai ake i ngā ratonga ture whānau ki te aro atu ki ngā hiahia kanorau o ngā tamariki me ngā whānau
2. i ngā mōhiohio me ngā aratohu mō te wāhanga 136 mā ngā rōpū, ngā rōia me te hapori

100. i tētahi pou tarāwaho mahi pai ake kia tika ai te tuku pūtea ki ngā pūrongo ahurea.

Whakahautia Te Tāhū o te Ture ki te rapu me pēhea te tautoko i te whai wāhitanga o ngā tamariki, ā, kia whakaaetia ngā kuia me ngā koroua me te whānau whānui i roto i ngā whakawātanga o te Care of Children Act.

Tonoa a Oranga Tamariki ki te whakahāngai i te rahinga o ngā pūtea e wātea ana ki ngā kuia, koroua me te whānau whānui i raro i te Care of Children Act 2004 ki te pūtea e wātea ana i raro i te Oranga Tamariki Act 1989, i ngā wā e tautokona ai e Oranga Tamariki ngā tamariki e tiakina ana e aua kuia, koroua me te whānau.

Whakahautia Te Tāhū o te Ture, ki te mahi ki te taha o te rāngai hauā, o te rōpū whakawā me ētahi hunga whāi pānga, ki te waihanga i tētahi rautaki hauā hei whakapai ake i te huarahi a te hunga hauā e whakamahi ana i Te Korowai Ture ā-Whānau ki te ture.

Whakahautia Te Tāhū o te Ture ki te:

1. whakawātea i ngā rauemi mōhiohio katoa ki te hunga hauā
2. whakauru i ngā pātai e pā ana ki te hauātanga me te tautoko hauā e hiahiatia ana ki ngā puka Care of Children Act hei tautuhi i ngā hiahia wāhi noho, tautoko hoki mā te hunga hauā

100. utu i ngā whakangungu whakapiki mōhio mō te hauātanga mā ngā kaimahi kōti e pā atu ai ki ngā kiritaki (me tuku anō he tono ki tēnei whakangungu, ki tētahi mea ōrite rānei ki ngā Kaiwhakawā Kōti Whānau)

4. whakahaere i ētahi atu mahi hei tango i ngā tauārai pūnahanaha, utu hoki, ki ngā tohutohu ture , me ngā mātanga mā te hunga hauā.

Whakahautia Te Tāhū o te Ture ki te mahi ki te taha o te New Zealand Law Society, o te rāngai hauā hoki, ki te hanga i te aratohu tikanga pai rawa mā te rōia o te kiritaki hauā, mā te rōia mō te tamaiti hauā. Me ahu mai ngā aratohu tikanga pai rawa i ngā rangahau me te taunakitanga mō ngā mea e whaitake ai ki ngā kiritaki hauā.

Tonoa te New Zealand Law Society ki te whakauru i te whakamōhiotanga hauā ki te kaupapa akoranga me ngā whakaritenga whanaketanga ngaio mā te rōia mō te tamaiti.

Whakahautia Te Tāhū o te Ture ki te mahi ki te taha o te Kōti Whānau me te New Zealand Law Society ki te waihanga i tētahi pūnaha e whakamana ai i te rōia kua whakangungua ki te mahi ki te taha o te tamaiti hauā kia pai ake ai te taurite o te tamaiti hauā ki tētahi rōia whai mōhiotanga, whai pūkenga hāngai.

Panonihia te Care of Children Act 2004 kia taea e ngā kaiwhakawā te:

1. tuku i ngā whakataunga i te wā tika, mēnā kei te whakahēngia te whakapae whakarerekē, tūkino rānei.
2. whai i tētahi aromatawai e aromatawai ana i te mōrea, i runga i te mōhio he akiaki te mōrea, ā, he matawhawhati.

Panonihia te Care of Children Act 2004 kia uru ai tētahi rārangi arowhai o ngā āhuatanga ka whiriwhiria pea e te Kōti Whānau e hāngai ana ki te haumaru o te tamaiti, tae atu ki ēnei:

• te āhua, te taumaha, te auau o te whakarekereke
• mēnā he hitori mō te whakarekereke, te whakatuma whakarekereke rānei, hei tauira, ngā whanonga whakahau, pēhi rānei, ngā whanonga rānei e whara tonu ai, e whara tonu ai te tamaiti, tōna kaitaurima rānei
• te tūponotanga o te pā mai anō o te whakarekereke
• te wharanga o te tinana, o te mauri rānei ki te tamaiti ko te whakarekereke te take
• mēnā kei te haumaru te tamaiti i a ia e tiakina ana, e pāhekoheko ana rānei i te tangata whakarekereke;
• ngā whakaaro o te tamaiti mō te take
• ngā mahi i whāia e te tangata whakarekereke kia kaua e pā mai anō te whakarekereke
• tētahi whai wāhitanga, whakahaere rānei a tētahi hapori, a tētahi atu whakahaere rānei e pā ana ki te oranga o te tamaiti
• tētahi mate hinengaro nui e whai pānga ana ki te kaha o tētahi tangata ki te whakaū i te haumaru o te tamaiti, me ngā mahi i whāia ai ki te whakarite i tēnei āhuatanga
• ngā raruraru whakapōauau, waipiro rānei e whai pānga ana ki te kaha o te tētahi tangata ki te whakaū i te haumaru o te tamaiti, me ngā mahi i whāia ai ki te whakarite i ēnei āhuatanga
• ētahi atu take hāngai e ai ki te Kōti.

Panonihia Ngā Ture Kōti Whānau 2002 ki te āta whakahua i ngā tuhinga Care of Children Act kia whakaurua ngā mōhiohio mō ngā hiahia haumaru o ngā pārurenga-mōrehu ina haere ana ki te kōti.

Panonihia te Care of Children Act 2004 me ngā Ture hāngai kia taea e te Kōti Whānau ngā pūrongo te tono mō te whakamamae whānau, whakarekereke whānau rānei, mai i ngā Pirihimana me ngā kaiwhakarato e tautiaki ai i ngā toronga.

Whakahautia Te Tāhū o te Ture, ki te mahi i te taha o te hunga whai pānga hira, waihanga ai i tētahi utauta aromatawai mōrea hei whakamahinga mā ngā tamariki, ngā pārurenga-mōrehu me ngā nanakia whakarekereke.

WhakahautiaTe Tāhū o te Ture ki te mahi ki te taha o ngā kaiwhakawā me ngā rōpū ngaio ture whānau kia tika ai te whakangungu, mā reira e marama ai ki te whakarekereke whānau.

Kia Panonihia te Family Violence Act 2018 (koinei te ingoa mai i te 1 o Hōngongoi 2019) kia taea e ngā tamariki kei raro i ngā whakawātanga o te Care of Children Act te uru atu ki ngā kaupapa haumaru e wātea ana i raro i te Ture.

Whakahautia Te Tāhū o te Ture ki te:

1. hanga i te rautaki mōhiohio hei waihanga i ngā rauemi paparōnaki, ōrite hoki, i roto i ngā takotoranga maha, tae atu ki:
   • Tētahi paetukutuku motuhake mō ngā tautohe wehenga me te tiaki tamariki;
   • Tētahi wāhanga tamariki o te paetukutuku e whai ana i ngā rauemi pāhekoheko, pārekareka e hāngai ana ki ngā taipakeke rerekē, he mea hanga i te taha o ngā tamariki;
   • Ngā mōhiohio e whakamārama ana i te tūranga o ngā ngaio Ratonga Ture Whānau rerekē;
   • Ngā mōhiohio mā ngā kuia, koroua me ngā whānau e tono ana i te taurima, tiaki tamariki;
   • Ngā mōhiohio mō ngā take tiaki tamariki mā ngā pārurenga whakarekereke whānau;
   • Tētahi arotake o te waea āwhina 0800 2 AGREE;
   • Ngā mōhiohio i roto i ngā reo i tua atu i te Ingarihi, tae atu ki te reo Māori, me ngā rauemi e hāngai ana ki ngā ahurea katoa;
   • Ngā mōhiohio e wātea ana ki te hunga hauā me te hunga kūare ki te pānui;
   • Ngā mōhiohio mō ngā āwhina me ngā tautoko i waho atu o te pūnaha pūtea a te Kāwanatanga;
   • Ngā mōhiohio mō te mahi a tēnā ngaio, a tēnā ngaio i roto i Te Korowai Ture ā-Whānau.
2. hanga i te whakatairanga tūmatanui ukiuki hei whakatenatena i ngā mātua kia wawe tonu te whakatau raruraru me te tuku i ngā mōhiohio mō ngā ratonga ture whānau e wātea ana, ā, me pēhea te toro atu.

100. te whakatikatika i te pukamahi mahere tiaki tamariki kia taea ai te whakamahi ā-matihiko.

4. mahi ki te taha o te rōpū whakawā, o te New Zealand Law Society o ngā māngai o ngā tāngata ko rātau anō tō rātau waha kōrero, ki te waihanga i tētahi pukamahi (ā-matihiko, ā-pepa hoki) mā aua tāngata taunaki-whaiaro kia mārama ai ki a rātou tēnei mea Te Korowai Ture ā-Whānau.

Panonihia te Care of Children Act 2004 kia whakawāteahia mai kia toru ngā haora pou haoura hinengaro e utua ana e te kāwanatanga ki te matua, kaitiaki rānei i te wāhanga tōmua o tētahi tautohe tiaki tamariki kia whakatauhia ō rātau ake kare ā-roto, ā, kia aro atu ki te rapu whakaaetanga.

1. Taea ai te tono ki te Kōti Whānau mō tētahi whakatau tiaki tamariki, kaitiaki rānei me te kore tae atu ki te PTS.
2. Taea ai e te Kōti te whakahau tētahi kaitono ki te PTS mēnā kāore anō kia whakaotihia engari ia mēnā he take tōtika kia kaua.

Whakahautia Te Tāhū o te Ture ki te waihanga i tētahi pūnaha whakarite PTS tuihono (hei wāhanga o te tomakanga FDR e ai ki te tūtohutanga XX).

Whakahautia Te Tāhū o te Ture ki te waihanga i tētahi putanga tuihono o te PTS.

Whakahautia Te Tāhū o te Ture ki te:

1. whakakaha i ngā whakaritenga kirimana (me te tuku i te tautoko me te pūtea tōtika) mō ngā kaiwhakarato PTS ki te tuku i te kaitakawaenga tika nō te ahurea hāngai
   2. whiriwhiri anō i te tukanga tiki rawa me te whakatenatena i ngā rōpū kaupapa Māori me ētahi atu whakahaere ahurea ki te whai kirimana hei whakarato i te PTS.

Whakahautia Te Tāhū o te Ture ki te arotake i te PTS i ia toru tau.

Panonihia te Care of Children Act 2004 kia:

1. tuku i tētahi kaitono ki te tono ki te Kōti Whānau mō tētahi whakatau tiaki tamariki, kaitiaki rānei me te kore tae atu ki te PTS
2. whakahau i tētahi kaitono ki te tuku taunakitanga mō ngā whakamātauhanga tūturu ki te rapu whakaaetanga i mua i te tono ki te kōti

100. whakahau te Kōti Whānau ki te whakahau i tētahi kaitono ki te FDR mēnā kāore anō kia whakamātauhia, engari ia he take whaikiko kia kaua (whakahē ā-taunakitanga)

4. tuku i te Kōti Whānau ki te tono ki te FDR i ngā wā e tika ana
5. hanga tukanga mā te Kōti hei whakahau i tētahi kaitono ki te FDR, hei whakatau i tētahi wātaka whiwhi pūrongo ai mō te putanga
6. tuku i te rōia mō te tamaiti kia haere atu ki tētahi FDR i whakahautia ai e te kōti

Utua te katoa o te FDR mā ngā kaiwhakauru katoa kia nui ake te whakamahia.

Panonihia ngā whakaritenga FDR kia whakaaetia ai ngā tauira whakatau raruraru rerekē.

Whakahautia Te Tāhū o te Ture, i te taha o ngā iwi, hapū me ngā whakahaere Māori, ki te whakarite huarahi e whakaratohia ai ngā ratonga FDR kaupapa Māori mā te Māori, e te Māori, ki te Māori.

Whakahautia Te Tāhū o te Ture, i te taha o Ngā Whakahaere Whakatau Raruraru i Whakaaetia (ADRO), o ngā kaiwhakarato o ngā kaituku ratonga hoki, ki te:

1. whai kawenga mō tētahi rautaki mōhiohio matawhānui me tētahi whakatairanga tūmatanui hei hāpai, hei tautoko i te FDR
2. whakapai ake i te huarahi ki te FDR mā ngā hononga kaha ake me ngā mahi tahi i waenga i ngā kaiwhakarato FDR me te Kōti Whānau mā te Kairuruku Ture Whānau

100. whakapai i ngā ara ki te whakangungu FDR mā ngā tohunga mai i ngā ao ahurea, reo kanorau hoki

4. whakatū i te tomokanga tuihono kia māmā ai, kia ōrite ai te huarahi ki te FDR

Whakahautia Te Tāhū o te Ture ki te whakahaere arotake ā te paunga o ngā tau e rua, ā, kia aromatawaitiai ia toru tau whai muri mai.

Whakahautia Te Tāhū o te Ture ki te:

1. Whakarerekē i te kaupapa o Te Ratonga Tohutohu Ture Whānau (FLAS) hei takahuri i te tukanga wāhanga-rua ki tētahi pūtea kotahi atu ki te ono haora hei kapi i ngā āwhina ture i mua i te whakawātanga, i ērā o te FDR hoki.
2. Whakapā atu ki te Legal Services Commissioner kia taea ai tētahi hononga rōia/kiritaki pūmau mō te hunga e whiwhi ana te pūtea FLAS, te āwhina ture hoki.

100. Whakamana i ngā rōia whānau āwhina ture katoa hei kaiwhakarato FLAS

Panonihia te Care of Children Act 2004 kia herea ngā rōia ki te whakahaere i te whakataunga tika o ngā tautohe e ai ki te ture, kia tere tonu, kia utu te iti, ā, i runga i te wairua tika kia kore ai e mamae ngā tamariki me ngā whānau.

Whakahautia te Tāhū o te Ture ki te:

1. tuitui taura here i waenga i ngā whakahaere hapori me te Kōti Whānau hei whakatītina i tētahi aronga kōmitimiti ake ki te tuku ratonga i roto i ngā hapori.
2. mahi ki te taha o Whānau Ora. o ngā whakahaere hapori hoki, ki te waihanga i tētahi tauira kaimahi hapori mā ngā whānau e whakauru nei ki Te Korowai Ture ā-Whānau.

Panonihia te Family Court Act 1980 kia tū ai tētahi tūranga Kairuruku Ture Whānau (me ngā tautoko ā-tari tōtika) ko āna mahi he:

• tuku i ngā mōhiohio me ngā tohutohu mō te tukanga, mō ngā mahi whai ake, mō ngā kōwhiringa, otirā me tuku ā-matihiko hoki, hei tauira, webchat
• whakatenatena i ngā tāngata ki te whakamahi i ngā ratonga pērā i te pou hauora hinengaro, PTS, FDR, i ētahi atu ratonga hapori.
• whakaarotau i ngā tono pānui katoa ki te Kōti Whānau.
• whakatū, he whakamahi i ngā hono ki te hapori ture whānau.

Panonihia te Family Court Act 1980 ki te whakatū i te tūnga Kairēhita Matua o te Kōti Whānau me ngā wāhanga kei raro i taua mana.

Whakahautia Te Tāhū o te Ture ki te hanga i tetahi mahere mārama, ki te whakarite i te whakangungu tōtika mō taua mahere kia taea ai e ngā kairēhita katoa te whakatutuki i ā rātou mahi.

Whakahautia Te Tāhū o te Ture, i te taha o te Kaiwhakawā Matua o te Kōti Whānau, ki te whakarite wawe tonu i ngā mahi hei tautuhi, hei whakawhiti hoki i ngā wāhanga tōtika o te kawenga whakawā ki ngā kairēhita kōti kia rahi ake ai te wā kaiwhakawā.

Tonoa te Kaiwhakawā Matua o te Kōti ā-Rohe ki te:

1. whakapiki i te tokomaha o ngā kaiwhakawā Kōti Whānau hei whakaheke i ngā takaroatanga
2. taunaki i te kanorau ahurea nui ake i roto i kahui kaiwhakawā.

Panonihia te Care of Children Act 2004 mā te whakakore i te wāhanga 7A, kia āhei ai te tāngata ki te whai rōia i ngā wāhanga katoa o ngā whakahaerenga.

Panonihia te Legal Services Act 2011 mā te whakakore i te wāhanga 7(3A) me te tuku i ngā āwhina ture mō ngā tono Care of Children Act 2004.

1. uru mai ngā whakaritenga tohu i te rōia mō te tamaiti, ko te whakaritenga i roto i te wāhanga 159 o te Oranga Tamariki Act 1989
2. whakatūhia ai he rōia mahi mō te tamaiti ko tāna mahi he whakamārama i ngā whakawātanga ki ana kiritaki e ai ki te wāhanga 10(2) o te Oranga Tamariki Act 1989.

Tonoa te Kaiwhakawā Matua o te Kōti Whānau ki te whakatika i 'Ngā Kōrero Tikanga o Te kōti Whānau – Rōia mō te Tamaiti: Te Tīpako, Tohu me Ētahi Atu Take' hei:

1. mea whakakaha i ngā whakaritenga mō te whakaae i te rōia mō te tamaiti.
2. mea whakarite kia uru ki te rōpū whiriwhiri i te rōia mō te tamaiti ko:
   1. tētahi pūkenga whanaketanga tamaiti,
   2. tētahi kaumātua, kuia, tētahi māngai hapori whai mana rānei mai i te rohe, i tohua ai e te Kaiwhakawā Kōti Whānau Whakahaere paetata whai muri i te kōrerorero tahi me te Heamana o te Rōpū Tohutohu Kaupapa Māori o te Kaiwhakawā Matua o te Kōti ā-Rohe.

100. te whakarite, ina taea, ka tohua tētahi rōia Māori hei rōia mō te tamaiti Māori

4. mā te Kairuruku Ture Whānau te kawenga mō te arotake i ngā rārangi rōia mō te tamaiti, ā, mā te peka paetata o te New Zealand Law Society e pānui ngā arotake.

Whakahautia Te Rōpū Mātai Hinengaro o Aotearoa, me te Pae Tū Pae Ora ki te whakapai ake i te rapu me te pupuri i ngā kaituhi pūrongo mātanga, otirā no ngā hapori kanorau. Me uru ki tēnei ko tētahi ara i whakaaetia kia āhei ai ngā kaimātai hinengaro ki te whai haere i ngā kaimahi.

Panonihia te wāhanga 133 o te Care of Children Act 2004 kia whakakotahitia ai te kōrero 'pūrongo arotakenga' me te 'whakatau tuarua' ki te kōrero kotahi – 'pūrongo arotakenga'.

Mō te taha ki te tukutanga o ngā tuhinga a ngā kaituhi pūrongo hinengaro kia uiuitia:

1. Tonoa te Kaiwhakawā Matua o te Kōti Whānau ki te arotake i ngā kōrero tikanga whakawā, me te kōrero tahi ki ngā kaituhi pūrongo hinengaro me te New Zealand Law Society, kia whakauruhia ai ngā here paerewa mō te tuku i ngā kōrero me ngā rauemi ki tētahi kaimātai hinengaro e āwhina ana ki te whakariterite mō te uiui.
2. WhakahautiaTe Tāhū o te Ture ki te utu i ngā kaituhi pūrongo ina hiahiatia ana kia hunaia ngā kōrero.

Panonihia te wāhanga 46G o te Care of Children Act 2004 kia:

1. taea e ngā kaiwhakawā te whakahau kia rua ngā haerenga ki te pou hauora hinengaro.
2. taea e ngā tamariki te haere ki te pou hauora hinengaro i te taha tētahi o ngā mātua/kaitono, i tō rāua taha rānei.

100. herea te Kōti Whānau, ina whakahau ana i te haerenga ki te pou hauora hinengaro wāhanga 46G, ki te whakamārama i te kaupapa, ki te whakahau i tētahi pūrongo mai i te pou hauora hinengaro hei whakamōhio atu ki te Kōti i te anga whakamua.

Pānuitia ngā whakaritenga hei whakataupoki kia10 ngā wā mō te pou hauora hinengaro wāhanga 46G.

Whakahautia Te Tāhū o te Ture kia wawe te whakahaere i ngā hui i te taha o te Kōti Whānau, o ngā pou, o ngā rōpū ngaio, o ngā pūkenga whanaketanga tamariki, o ngā ratonga toko i te ora, o ngā tamariki / taiohi ki te whakarite:

1. i ngā aratohu tikanga pai rawa mō te haerenga o te tamaiti ki te pou hauora hinengaro, he mea utua
2. i ngā whakataunga hira e pā ana ki te whakaaetanga o te matua, o te tamaiti

100. i te whānuitanga, i te kaupapa

4. i ngā menemana ki te Care of Children Act 2004 e hiahiatia ana.

Panonihia te Family Court Rules 2002 kia:

1. tautuhia ai te kaiwhakawā tuarua hei kaiwhakawā tuarua mō ngā kēhi uaua kia kore ai e ngaro te anga whakamua mēnā ka māuiui, kei te hararei rānei te kaiwhakawā
   2. whakaritea e te(ngā) kaiwhakawā i tautapatia, ngā tono katoa, otirā ngā tono kore pānui, ngā tono rānei mō tētahi whakamana hei tango ā, kaua mā te e-Duty
   100. noho ai te whakahaere i tētahi kōnae kēhi uaua ki raro i te Kairēhita Mātua Kōti Whānau, mā reira e ū ai ki ngā whakahau whakawā katoa.
   4. Ka whakatauhia pea he uaua tētahi kēhi mēnā:
      • kei reira ngā whakapae whakarekereke, tūkinotanga taumaha hoki, he mōrea rānei ki te whakarekereke, tūkinotanga rānei
      • he take ture rerekē, uaua rānei, he kaupapa ahurea, hangarau, taunakitanga, rānei.

Tonoa te Kaiwhakawā Matua o te Kōti ā-Rohe, te Kaiwhakawā Matua o te Kōti Whānau me Te Tāhū o te Ture ki te whanake i tētahi ara kōmitimiti ki te whakahaere, ki te whakaraupapa i te wātaka. Mā reira e taea ai te whakarite te kaiwhakawa kotahi mō ngā take Kōti Whānau katoa, mō ngā take taihara o te whānau hoki.

Whakahautia te Tāhū o te Ture ki te:

1. kohi, ki te tātari i ngā raraunga hāngai e pā ana ki ngā kēhi uaua hei whakapai ake i ngā tikanga me ngā hātepe i aua kēhi.
2. whakahaere tātaritanga i te paunga o te tau kotahi, mo te whānuitanga me te whaikiko o ngā tukutanga ki te pou hauora hinengaro 46G i ngā kēhi uaua, ka tūtohu i ngā huringa

100. whakahaerehia ngā rangahau hei tautuhi i te āhua me te whānuitanga o ngā kēhi uaua i roto i te Kōti Whānau, ngā urupare tika ki aua kēhi me ngā whanaketanga ngaio motuhake mō ngā rōia, kaiwhakawā me ētahi atu ngaio kei roto i ēnei kēhi.

Panonihia te Family Court Rules 2002 kia:

1. tukuna ngā ara kēhi e rua (paerewa me te kore pānui) me ngā momo e toru o ngā hui whakataunga (whakawā, whakataunga, hui i mua i te whakawātanga).
2. ina hiahiatia ana, ina tōtika hoki, kia whakatenatenahia ngā hui ataata, waea hoki hei ara pai ake i te whakature kia tae ā-tinana ki te kōti.

Panonihia te Family Court Rules 2002 kia:

1. mārama katoa ko te Ture 34 he mea hāngai ki ngā whakawātanga i raro i te Care of Children Act 2004 kia taea ai tētahi tono ki te tango i tētahi whakatau kore pānui.
2. whakatauhia te roa o te wā e kore e taea te hipa e te Kōti hei whakarite whakawātanga/hui mena, kua whakahautia, kua tukuna hoki te ratonga.

100. herea ngā kaitono whai māngai me ngā kaitaunaki-whaiaro ki te whakautu i ngā pātai tauwhāiti e whai ake ina e tono ana i te whakataunga kore pānui ki te Kōti Whānau:
     • He aha te take mō te whakatau kore pānui ki tērā atu kaitono?
     • Kei te mōhio te kaiurupare, tana rōia rānei ki te koronga o te tāpae?
     • Ka pā he uauatanga, mōrearea, whakatoihara rānei ki te kaiurupare / tētahi tamaiti / he rōpū kē rānei mēnā ka tukuna te whakatau?
     • He aha ngā momo tūkinotanga, wharanga rānei ka puta mēnā kāore e tukuna te whakatau?
     • He aha te take me kōhukihuki te whakatauHe aha te hē o tetahi tono tuku pānui me tētahi tono ki te whakaiti i te wā (me mōhio anō ki te whakaitia te wā ka poto iho te wā mō te urupare ki te 24 haora, poto iho rānei, kei a te kaiwhakawā te tikanga)?

Panonihia te wāhanga 135A o te Care of Children Act 2004, kia whakakapia ai e tētahi whakaritenga kia taea e te kaiwhakawā te whakahau mā tētahi kaitono e utu tētahi wāhanga o te utu o te rōia mō te tamaiti, i te rōia e āwhina ana i te Kōti, i ngā kaituhi pūrongo mātanga hoki, mehemea he āhuatanga whakaroaroa mō te koretake noa iho kei te haere.

Tohatohatia ngā pūtea rawaka hou kia taea e Te Tāhū o te Ture te whakakaha te pūhara hangarau e tautoko ana i ngā whakahaere kēhi i roto i te Kōti Whānau, hei takawaenga i te kohinga raraunga pakari mō te aroturuki me te whanaketanga.

Whakahautia Te Tāhū o te Ture ki te arotake, ki te tuhi anō hoki i te Family Courts Rules 2002 i runga i te kōrerorero tahi ki te Kaiwhakawā Matua o te Kōti Whānau me te New Zealand Law Society.

Whakahautia Te Tāhū o te Ture kia wawe tonu te whakauru mai i ngā puka Care of Children Act hou me te arotake i te paunga o ngā marama 12.

Whakahautia Te Tāhū o te Ture ki te waihanga i tētahi rautaki aroturuki me te whanaketanga mō Te Korowai Ture ā-Whānau. Me uru ki te rautaki ko tētahi mahere kohinga raraunga matawhānui, me āta arotahi ki te whakapai ake i te kohinga o ngā raraunga mō te ira tangata, mō ngā mātāwaka, mō te reo, mo te ahurea me te whakahaere i ngā kēhi uaua. Me uru anō ki te rautaki tētahi arotakenga hei whakarite, i te taha o ētahi atu mea, ka:

1. arotakehia te PTS i ia toru tau
2. arotakehia te FDR whai muri i te rua tau i te tīmatanga, ā, ka aromatawaia i ia toru tau whai muri mai

100. arotakehia ngā huringa ki te pou hauora hinengaro wāhanga 46G whai muri i te rua tau

4. arotakehia ngā puka Care of Children Act whai muri i te 12 marama muri mai o te whakaurunga mai.

Whakatūhia he rōpū tohutohu o ngā tamariki hei tuku i ngā tohutohu me ngā tirohanga ki ngā wheako o ngā tamariki mō ngā take tiaki tamariki i roto i Te Korowai Ture ā-Whānau hei whāngai i ngā kaupapahere me ngā tikanga.

Whakatūhia he rōpū tohutohu i te minita hei tuku tohutohu, tuku tūtohutanga hoki mō te whakatinanatanga o ngā huringa e ara ake ana i tēnei pūrongo, me ētahi atu take i āta whakahuatia e te Minita o te Ture.